發刊日期:2006-02-26
發刊期數:第654期  發刊頻率:不定期發送  發行量:695  發行者:Hotaru    我要檢舉
基仔日報
古巨基冧女秘笈


古巨基冧女秘笈

新Monday Vol.279 


「 最鍾意喺女仔耳邊唱歌 ! 」

基仔同栢芝主演嘅賀歲片 << 野蠻秘笈 >> ,故事講栢芝係武林高手, 1 次意外被基仔知道咗,再發現佢哋命中註定要相愛,最後齊齊聯手抗敵。

劇情係賀歲咗啲,不過男主角基仔醒你嘅冧女方法就一啲都唔例牌,重好經濟,唔使買花、燭光晚餐咁破費嘅,只要搵個冇人嘅地方,攬住對方貼近耳仔唱冧歌,一定掂晒 ! 基仔教路,唔掂唔關我事o架 !



栢芝係好女朋友

踩住新年加情人節上映嘅 << 野蠻秘笈 >> ,搵嚟栢芝同基仔做情侶,面對呢位緋聞女王,基仔竟然冇中招,而私底下又點睇佢呢 ?

「 佢演戲方面有幾好,唔使多講啦 ! 睇佢攞咗咁多獎已經知,反而佢私底下嘅另一面,其實係幾可愛o架 ! 記得有次,我拍完戲入化妝間,打開門嗰下,佢笑得好可愛咁行埋嚟講 :『 你呀 ! 個鬚刨有千年鬚根都唔清下佢o架 ! 幫你清好喇 ! 重有呀,啲化妝棉又係唔清,我幫你整好晒o架喇 ! 俾番你啦 ! 』 嗰刻我覺得佢好可愛,而且對人好真。

「 聽佢平時講嘢同做訪問,我覺得佢對愛情充滿憧憬,相信佢一投入愛情,會好愛對方,相信佢重係個好好嘅女朋友。」

搞笑處男

基仔拍開戲做開啲情深角色,搞笑戲紀錄係零,今次破處感覺又係點 ?

「 今次可以叫做我第 1 部真正笑片,因為我以前啲戲嘅形象都比較正經啲,又多數係愛情片,有機會拍笑片,其實要多謝晶哥,係佢搵我拍笑片。事緣我 10 幾年前做 << 娛樂新聞眼 >> 嘅時候,同晶哥做過訪問,所以佢對我留下咗印象,佢覺得我可以搞笑,都要多謝佢發掘我另一面出嚟。

「 有場戲都幾難忘,講我受咗重傷,要栢芝運用玉女心經先可以救番我,咁大家都知玉女心經要赤裸裸先運到o架啦 ! 咁我就要赤裸上身,栢芝就着得好涼快,嚟營造赤裸嘅感覺,我好少咁性感o架嘛 ! 哈哈 …… 但要留意我對眼係貼咗 2 個交叉喎,所以我一定冇偷睇栢芝,因為係偷睇唔到,哈哈 …… 」

追女秘笈

「 我真係冇咩特別嘅追女仔方法,我以前嘅女朋友都係由朋友開始,慢慢再變成情侶,我未試過喺街搭訕識女仔再拍拖,但如果我鍾意個女仔,咪會畫下畫俾對方,我淨係識呢招o架咋 ! 唔通表演打機俾佢睇咩 ! 其實唔使一定要畫得好靰靚,畫畫係表示你對個女仔嘅心意,大家不妨試下 ! 」

唱歌秘笈

「呢個秘笈我以前冇o架 ! 係近年先開始,就係每次錄音前都要打機,皇要指定係 << Winning Eleven >> 添 ! 真o架 ! 因為可以開聲o架 ! 我重懷疑喺打完機之後會開心啲,剌激到啲細胞,做起嘢上嚟都得心應手啲,開心做 1 件事,真係會事半功倍o架 ! 」

浪費秘笈

「 我真係唔識浪漫o架 !即使喺情人節我都淨係試過送畫同唱歌俾對方聽。不過我唱歌會搵個人少啲嘅地方,然後攬住對方,令到個氣氛浪漫啲,再突然喺佢耳邊唱啲好冧嘅情歌,係咪好冧先 ? 」

演戲秘笈

「 其實一直都冇咩特別秘笈,不過有次拍緊 << 情深深雨濛濛 >> 嘅時候,突然好似有啲領悟,但又好難講係咩,總之係對演戲有啲啟發咁啦 ! 但我每次演戲都會令到自己變成戲入面嘅角色,而唔係由古巨基去演個角色,投入就自然會演得好 。」
~@~@~@~@~@~@~@~@~@~@~@~@~@~
ANGEL背著我感受這溫柔的風
ANGEL的笑容溫暖了寂寞的手
沒煩憂 沒有了爭鬥
平靜的自由
輕輕的漂浮 像氫氣球
帶我高飛遠走
~@~@~@~@~@~@~@~@~@~@~@~@~@~
基仔日報網站
http://home.kimo.com.tw/hotaru272000/
 
<< 網友票選 >> 您對於這份電子報紙評價是?
有夠讚 不錯啦 普普說 蠻爛的 爛到最高點 
推薦本報給好朋友
寄件人暱稱或姓名   寄件人E-mail   收件人暱稱或姓名   收件人E-mail  
+ + +
※ 本報為審核討論式電子報,直接回覆本封Email,經報主核准,每位訂戶都可收到您回應的電子報 ※

版權歸發行者所有,未經確認授權,嚴禁轉貼節錄
PC home ePaper 個人電子報提供電子報代理發行
發行內容不代表本站立場,相關權責請參考 聲明啟事
查詢 / 取消訂閱更改信箱密碼查詢技術上問題請來信針對內容回應報主我也要當報主